Брацкая магіла савецкіх воінаў.
Вуліца Ленінская, на могілках.
Пахаваны 29 воінаў, якія загінулі ў баях з нямецка-фашысцкімі захопнікамі ў чэрвені-ліпені 1941 года і ў баях за вызваленне Бялыніч і навакольных населеных пунктаў 28–30.06.1944 г.
У 1971 годзе на магіле ўстаноўлены абеліск, у 1992 годзе помнік рэканструяваны.

Брацкая магіла савецкіх воінаў і партызан.
Вуліца Савецкая, у парку.
Пахаваны 47 воінаў 32-й дывізіі 69-га стралковага корпуса 49-й арміі 2-га Беларускага фронту, якія загінулі ў баях 29-30.06.1944 г. ці памерлі ад ран у чэрвені-ліпені 1944 г. Тут таксама пахаваны партызаны (21 чалавек), што загінулі ў барацьбе з нямецка-фашысцкімі захопнікамі ў 1941-44 гадах. Сярод пахаваных Герой Савецкага Саюза Барыс Львовіч Хігрын (01.08.1909 года нараджэння, г.Орша – 05.07.1941г.; указ ад 31.08.1941 г.).
У 1965 годзе на магіле ўстаноўлены помнік-скульптура воіна з лаўровым вянком.
У 1985 годзе да помніка пракладзена алея Герояў. На высокіх пастаментах устаноўлены бюсты (скульптары А.Крохалеў, У.Крохалеў, Р.Рубінштэйн, Дз.Шыманскі) Герояў Савецкага Саюза А.М.Касаева, Л.Дз.Лорчанкі, С.Р.Церашкевіча, Б.Л.Хігрына, якія змагаліся з акупантамі на тэрыторыі раёна.

Магіла Аврамавай Кацярыны Пятроўны.
Вуліца Ленінская, на могілках.
Член Бялыніцкай партыйна-камсамольскай падпольнай арганізацыі Аврамава К.П. (1918-1944) расстраляна фашыстамі.
На магіле ўстаноўлена стэла.

Магіла ахвяр фашызму.
За 1,5 км на паўднёвы захад ад гарадскога пасёлка.
Пахаваны больш за 1500 жыхароў пасёлка і навакольных вёсак, якіх 12.12.1941 года расстралялі нямецка-фашысцкія захопнікі.
У 1965 годзе на магіле ўстаноўлены абеліск.

Магіла Міцькова Кандрата Савельевіча.
Вуліца Ленінская, на могілках.
Член Бялыніцкай партыйна-камсамольскай падпольнай арганізацыі Міцькоў К.С. (1900-1943) расстраляны фашыстамі.
На магіле ўстаноўлена стэла з фотаздымкам.

Магіла Новікава Аляксея Арсеньевіча.
Вуліца Ленінская, на могілках.
Член Бялыніцкай партыйна-камсамольскай падпольнай арганізацыі Новікаў А.А. (1907-15.12.1943) расстраляны фашыстамі.
На магіле ўстаноўлена стэла з фотаздымкам.