30 чэрвеня 1944 г. партызанскія атрады і палкі Бялыніцкай ваенна-аператыўнай трупы пад камандаваннем сакратара Бялыніцкага падпольнага РК КП(б)Б Падалякі, камандзіра ВАГ маёра Фядотава, начальніка штаба ВАГ маёра Георгіеўскага выйшлі ў поўным складзе з тылу праціўніка і злучыліся з часцямі Чырвонай Арміі (139-й стралковай дывізіяй і 238-й Карачаўскай стралковай дывізіяй) у раёне артылерыйскага палігона, што за 5 кіламетраў на паўднёвы ўсход ад вёскі Белы Лог Бялыніцкага раёна.
Да выхаду з варожага тылу атрады і палкі Бялыніцкай ваенна-аператьгўнай групы налічвалі ў сваім складзе 3444 чалавекі. За час сваёй дзейнасці партызаны Бялыніцкай ваенна-аператыўнай групы разгармілі 53 варожыя гарнізоны, спусцілі пад адхон 166 воінскіх эшалонаў, разбілі 141 цягнік, 1415 вагонаў, узарвалі 1787 рэек, знішчылі 564 аўтамашыны, збілі 3 нямецкія самалёты, узарвалі і падбілі 62 танкі і бронемашыны, знішчылі 113 кіламетраў тэлеграфна-тэлефоннай сувязі, узарвалі і спалілі 132 чыгуначныя і шашэйныя масты, забілі і паранілі 13 977 нямецкіх салдат і афіцэраў, 1091 уласаўца, 641 паліцэйскага. Узялі ў палон 52 нямецкіх салдат і афіцэраў, 54 паліцэйскіх, 12 уласаўцаў.
Кіраўніцтва баявой дзейнасцю партызанскіх атрадаў і палкоў на тэрыторыі Бялыніцкага раёна праводзілі вопытныя, загарта-ваныя ў баях кадравыя афіцэры Чырвонай Арміі М.Д. Авяр'янаў, В.Д. Швагрынаў, В.А. Смірноў, Ф.М. Тарасаў, Р.І. Перасценка, І.Р. Прахарэнка, Ю.А. Ямбаеў, абраныя партызанамі камандзіры А.М. Шалдаеў, Г.Ф. Меднікаў, А.І. Ліпскі. |
