КАРОТКАЯ
КРАЯЗНАЎЧАЯ ЭНЦЫКЛАПЕДЫЯ
ГАЛОЎЧЫНСКАЙ ЗЯМЛІ


   
ГАЛОЎНАЯ
ПЕРСАНАЛЬНЫ ПАКАЗАЛЬНІК
ГЕАГРАФІЧНЫ ПАКАЗАЛЬНІК
БІБЛІЯГРАФІЧНЫ ПАКАЗАЛЬНІК
ФОТАГАЛЕРЭЯ
 
Ш


Шарамецьеў Барыс Пятровіч

Швэрнікава дарога
Школа для дарослых
Шляхта
Штыхаў Рыгор Васільевіч
Шухвалаў раўчук
Шчацінка Аляксандр Лаўрэньцьевіч
Шчэлка Аляксей Максімавіч
Шчэлка Іван Міхайлавіч
Шчэлка Ілья Міхайлавіч

 

 

Шарамецьеў Барыс Пятровіч (1652-1719).
Генерал-фельдмаршал. Удзельнік Паўночнай вайны.
Ажыццяўляў агульнае кіраўніцтва рускім войскам у бітве пад Галоўчынам (1708, 4 ліпеня).

 
   
   

 

Швэрнікава дарога, па прозвішчу настаўніка, ад хаты якога пачыналася гэта дарога.

   
   

 

Школа для дарослых, агульнаадукацыйная навучальная установа для дарослых на тэрыторыі Расіі.
Узніклі ў 1860-х гадах і найчасцей давалі агульную адукацыю ў аб’ёме пачатковай школы, ці паўтаралі курс з нейкімі дапаўненнямі.
У вёсцы Сурды ў 1913 годзе ўзнікае школа граматы для дарослага насельніцтва, у якой у першым годзе дзейнасці навучалася 23 чалавекі.

   
   

 

Шляхта, (Малыя Васількі), пасёлак ў Галоўчынскім сельсавеце.
Заснаваны на месцы панскай сядзібы ў першыя гады савецкага часу былымі шляхцічамі Часлаўскімі.

   
   

 

Штыхаў Рыгор Васільевіч (14.07.1927), нарадзіўся ў в. Ст. Беліца Гомельскага раёна.
Беларускі археолаг і гісторык-медыявіст.
Абследваў гарадзішчы Галоўчына ў 1969 годзе.

   
   

 

Шухвалаў раўчук, яр, абсаджаны хмызняком, непадалёку ад Падгацця.
Названы ад мянушкі Шухвал. Мужык, якога так празвалі, вельмі любіў прыкласціся да чаркі. А жонка ў яго была ліхая, баявая, хуткая на расправу. Калі яна прыходзіла ў карчму, каб пагнаць дамоў мужа-недарэку, той што мочы крычаў «Шухер». Пасля гэтага незразумелае вяскоўцам слова трансфарміравалася ў яшчэ больш незразумелаю мянушку «Шухвал».

   
   
 

Шчацінка Аляксандар Лаўрэньцьевіч, нарадзіўся ў 1957 годзе ў вёсцы Лубяны.
Скончыў у 1979 годзе Беларускі дзяржаўны інстытут народнай гаспадаркі імя Куйбашава, эканаміст.
Працаваў на пасадзе галоўнага эканаміста калгаса імя Леніна Бялыніцкага раёна. Затым працаваў інструктарам Бялыніцкага райкома КП Беларусі.
Пасля заканчэння Мінскай вышэйшай партыйнай школы з 1988 года працуе ў гаспадарках Бялыніцкага раёна.
З 1995-1998 годы займае пасаду старшыні Галоўчынскага сельскага Савета.
Зараз працуе старшынёй Машчаніцкага сельскага Савета.

   
   
   
 

Шчэлка Аляксей Максімавіч, нарадзіўся ў 1889 годзе.
Удзельнік грамадзянскай і Вялікай Айчыннай войн. Узнагароджаны многімі ўрадавымі ўзнагародамі.
Памёр у 1964 годзе.

   
   

 

Шчэлка Іван Міхайлавіч (1913-?), нарадзіўся ў мястэчку Галоўчын.
Народны артыст Расіі. Лаўрэат Дзяржаўнай прэміі СССР.
Скончыў цыркавы тэхнікум. Працаваў у калектыве Ленінградскай дзяржаўнай эстрады як артыст арыгінальнага жанру.
Узнагароджаны ордэнам Чырвонай Зоркі, медалем «За абарону Ленінграда».

   
   

 

Шчэлка Ілья Міхайлавіч (?-1946), нарадзіўся ў мястэчку Галоўчын.
Заслужаны ўрач РСФСР. Кандыдат медыцынскіх навук.
Скончыў (1913) Магілёўскую фельчарскую школу, медыцынскі факультэт МДУ імя Ламаносава.
Працоўную дзейнасць пачаў у вёсцы Масцішча Вішоўскага сельсавета, пасля ў лячэбных установах Падмаскоўя.
Узнагароджаны ордэнамі Леніна, Працоўнага Чырвонага Сцяга, Чырвонай Зоркі, шматлікімі медалямі.

   
   

 

ГАЛОЎНАЯ || ПЕРСАНАЛЬНЫ ПАКАЗАЛЬНІК || ПЕРСАНАЛЬНЫ ПАКАЗАЛЬНІК || ПЕРСАНАЛЬНЫ ПАКАЗАЛЬНІК || ФОТАГАЛЕРЭЯ
 
© Бялыніцкая цэнтралізаваная бібліятэчная сістэма, Галоўчынская сельская бібліятэка-філіял, 2012