Пісьменнікі і дзеячы культуры Бялыніччыны

Творчы праект «Пісьменнікі і дзеячы культуры Бялыніччыны» распрацаваны цэнтральнай раённай бібліятэкай сумесна з аддзелам ідэалагічнай работы, культуры і па справах моладзі Бялыніцкага райвыканкама з мэтай знаёмства, актывізацыі работы па папулярызацыі творчасці знакамітых землякоў у рамках Года культуры, пры правядзенні адзінага дня інфармавання.
Інфармацыя будзе карысная бібліятэкарам, культработнікам, настаўнікам, школьнікам.

Абгрунтаванне ПРАЕКТА

Дзяржава надае вялікае значэнне развіццю такой важнай сферы, як культура.
Прэзідэнт Рэспублікі Беларусь Аляксандр Лукашэнка 28 снежня падпісаў Указ № 522 «Аб аб’яўленні 2016 года Годам культуры».
Указ прыняты ў мэтах аб’яднання інтэлектуальных і духоўных сіл грамадства для вырашэння задач сацыяльна-эканамічнага развіцця краіны, падтрымку творчых ініцыятыў.
У Год культуры работа калектыва цэнтральнай раённай бібліятэкі будзе накіравана на захаванне гісторыка-культурнай спадчыны, развіццё народных традыцый, выхаванне ў грамадзян любові да Айчыны.
Бібліятэкай сумесна з аддзелам ідэалагічнай работы, культуры і па справах моладзі Бялыніцкага райвыканкама з мэтай знаёмства, актывізацыі работы па папулярызацыі творчасці знакамітых землякоў, распрацаваны комплекс мерапрыемстваў, якія ўключаны ў праграму адзінага дня інфармавання.

Мэты і задачы:

- папулярызацыя беларускай культуры сярод розных катэгорый, слухачоў, чытачоўсадзейнічанне разуменню значнасці роднай культуры;
- захаваць гістарычную спадчыну у розных галінах мастацтва, узняць на новы ўзровень сучаснае мастацтва;
- пашырэнне ведаў чытачоў па гісторыі беларускай культуры, у тым ліку беларускай літаратуры, роднай мовы;
- выхаванне ў чытачоў любові да сваёй Радзімы;
- праз мерапрыемствы, праведзеныя ў рамках праекта, выхоўваць мастацкі густ і эстэтычную культуру, выхоўваць пачуццё патрыятызму і нацыянальнай самасвядомасці.

Тэрмін рэалізацыі:

Праект разлічаны на 2016 год.
Дапускаецца змястоўнае дапаўненне, змяненне.

Выканаўцы ПРАЕКТА:

Аддзел ідэалагічнай работы, культуры і па справах моладзі Бялыніцкага райвыканкама.
ДУК «Бялыніцкая цэнтралізаваная бібліятэчная сетка» цэнтральная раённая бібліятэка.

План мерапрыемстваў па правядзенні ў рамках праекта «Пісьменнікі і дзеячы культуры Бялыніччыны»

№ п/п	Мерапрыемствы	Тэрміны выканання	Адказныя выканаўцы
1.	«Паэт з Васількоў» (А. П. Мельнікаў)	студзень	Грыбайлава А.Я., бібліятэкар ЦБ
2.	«Ад беларускасці ніколі не адмаўляўся» *(В. К. Бялыніцкі-Біруля)*	люты	Грыбайлава А.Я., бібліятэкар ЦБ
3.	«Бялынічанін з Сердалікавай Бухты» *(Я. Шарахоўскі)*	сакавік	Грыбайлава А.Я., бібліятэкар ЦБ
4.	«Гатовы ўсе аддаць – і тым багаты…» *(І. М. Рагаўцоў)*	красавік	Грыбайлава А.Я., бібліятэкар ЦБ
5.	«Ніколі не забываюся, адкуль я родам» *(Н. Батракова)*	май	Грыбайлава А.Я., бібліятэкар ЦБ
6.	«Пясняр Прыдруцкага краю» *(В. К. Хаўратовіч)*	чэрвень	Грыбайлава А.Я., бібліятэкар ЦБ
7.	«Мастак з ласкі Божай» (В. Альшэўскі)	ліпень	Грыбайлава А.Я., бібліятэкар ЦБ
8.	«Лісты з Японіі» (В. С. Казакевіч)	жнівень	Грыбайлава А.Я., бібліятэкар ЦБ
9.	«Жыве ў Бялынічах мастачка» *(Л. В. Журавовіч)*	верасень	Грыбайлава А.Я., бібліятэкар ЦБ
10.	«Мужчынскія сакрэты Васіля Найдзіна» (В. І. Найдзін)	кастрычнік	Грыбайлава А.Я., бібліятэкар ЦБ
11.	«Рэха, спрасаванае ў фарбах» (П. І. Дзімітрыядзі)	лістапад	Грыбайлава А.Я., бібліятэкар ЦБ
12.	«Дык няхай жыве сатыра» *(Р. М. Яўсееў)*	снежань	Грыбайлава А.Я., бібліятэкар ЦБ