“Мужчынскія сакрэты Васіля Найдзіна”

Творчы праект “Пісьменікі і дзеячы культуры Бялыніччыны ”
Чарговы выпуск творчага праекта прысвячаецца пісьменніку, сатырыку і гумарысту  Найдзіну Васілю Іванавічу.
Нарадзіўся ен 19 студзеня 1944 года ў весцы Бярозаўка Бялыніцкага раена. Бацька яго, Іван Андрэевіч, у час Вялікай Айчыннай вайны быў партызанам, маці – Пласконная Анэля Францаўна, працавала бухгалтарам.
У 1953 годзе сям’я Найдзіных пераехала ў Бялынічы, дзе ў 1961 годзе Васіль скончыў Сярэднюю школу №2. Потым, адвучыўшыся ў Мінскай школе кінамеханікаў, працаваў кінамеханікам сельскай кінаперасоўкі ў Бялыніцкім раене.
Маючы з дзяцінства добрую назіральнасць, Васіль ўмее  прыкмячаць і “схопліваць” гумарыстычныя сітуацыі, ад патрапляння ў якія не застрахаваны аніводны чалавек.
Першую гумарэску Васіль Найдзін надрукаваў у вайсковай газеце “Страж Балтыкі”, калі праходзіў тэрміновую службу на Ваенна-Марскім флоце. Пасля службы вярнуўся на малую Радзіму.
Шмат гадоў працаваў у рэдакцыі нашай раенкі фотакорам, літсупрацоўнікам, загадчыкам аддзела пісьмаў, намеснікам рэдактара. Працуючы ў рэдакцыі  раеннай газеты “Зара камунізму”,  рэгулярна друкаваў сатырычныя творы на яе старонках. Потым гумарэскі Васіля Найдзіна сталі з’яўляцца ў абласной газеце і перыядычных рэспубліканскіх выданнях.
У 1973 годзе завочна закончыў Магілеўскі педінстытут імя Аркадзя Куляшова, а потым жыццевыя сцежкі прывялі яго ў Мінск.
Скончыўшы ў 1977 годзе Мінскую Вышэйшую партыйную школу, Васіль Іванавіч працаваў рэдактарам аддзела фельетонаў у часопісе “Вожык”, намеснікам рэдактара газеты “Мінская праўда”.
З 1991 года – намеснік загадчыка, з 1993 года – загадчык рэдакцыйна-выдавецкага аддзела Сакратарыята Вярхоўнага Савета Беларусі, потым працаваў начальнікам рэдакцыйнага ўпраўлення  Сакратарыята Палаты прадстаўнікоў Нацыянальнага сходу Рэспублікі Беларусь.
Калі ў 1992 годзе на Бялыніччыну прыязджалі вядомыя беларускія пісьменнікі, чыя творчасць звязана з часопісам “Вожык”, у іх ліку быў і Васіль Найдзін. Алег Пліндоў звярнуўся тады да прысутных с такім вершаваным пасланнем:
…А “Вожыку” дарылі мы нямала
Сатырыкаў, ну, проста малайцоў.
Вось Найдзіна ў Бялынічах не стала.
Пачулі мы, ў “Вожык” перайшоў.
Хоць гэта і лічыла сваім горам,
Рэдакцыя бялыніцкай “Зары”,
Аднак ахвяравала вам Рыгора –
За Найдзіным Яўсеева бяры!
Васіль Найдзін – аўтар кніг сатыры і гумару “Мужчынскія сакрэты” (1981г.), “Аддаю вам…”(1984г.), “Сустрэнемся ў Барселоне”(1991г.), “Кветка кактуса”(1992г.).
Апавяданні і гумарэскі Васіля Найдзіна  змешчаны ў калектыўных зборніках “Сакрэт фірмы”(1979г.), “Кубік Рубіка!”(1987г.), “Размова па шчырасці” і “Ад гарэлкі розум мелкі”(1990г.)
Творы нашага земляка рэгулярна друкуюцца ў рэспубліканскай прэсе.
Багаты жыццевы вопыт, усебаковае веданне сацыяльных праблем  спрыялі не толькі шырыні дыяпазонаў, але і псіхалагічнай даставернасці характараў яго герояў. Адметнасць яго твораў ва ўменні бачыць  камічнае ў самых ардынарных з’явах і ўчынках.
Вось што пішуць аб Васіле Найдзіне крытыкі, сябры, калегі:
Міхась Пянкрат: “…І дзе б ні быў Васіль Найдзін, гэты багаты на гумар чалавек, ен заўседы носіць з сабою даволі емісты мяшэчак з дасціпным народным словам, якое пад пяром літаратара ператвараецца ў вяселыя гумарэскі і апавяданні, ці вострыя, як брытва, фельетоны”.
Іван Стадольнік: “Сатырыкі і гумарысты – людзі  сур’езныя. Пасмяшыць людзей – гэта прасцей простага, а вось высмеяць, рассмяшыць, калі ім часта бывае і не да смеху, – талент патрэбен. Вось і Васіль Найдзін – адзін з тых, каму Бог дараваў і талент, і сур’езнасць. Васілевы творы ідуць нарасхват і ў артыстаў эстрады”.
Мікола Падабед: “Гумар, усмешка з’яўляюцца характэрнымі рысамі творчасці нашага земляка Васіля Найдзіна. Ен – адзін з тых, каму Бог дараваў літаратурны талент. Ен не выдумвае і не высасвае з пальца, як кажуць, тэмы і сюжэты сваіх апавяданняў і гумарэсак, не прыцягвае, што называецца, за вушы сваіх персанажаў.
Наш зямляк ідзе ад жыцця, ад уласных назіранняў і высноў, ад свайго бачання і разумення той альбо іншай жыццевай з’явы. Таму яго дыяпазон вельмі шырокі і разнастайны. У 1994 г. на пісьменніцкай радзе Васіля Найдзіна, як здольнага сатырыка і гумарыста, прынялі у члены Саюза пісьменнікаў Беларусі ”.
Жыццевы і творчы шлях нашага таленавітага земляка працягваецца. Спадзяемся, што наперадзе – новыя трапныя творы: гумарэскі і фельетоны, бо жыцце не стаіць на месцы, і ўважлівае вока сатырыка заўжды прыкмеціць, над чым пасмяяцца.

З пад вострага яго пяра
На чысты аркуш лягуць словы
І прыйдзе лепшая пара
Для роднай беларускай мовы.

	Прызентацыя, прысвечаная В. Найдзіну