Page 14 - Каляндар знамянальных і памятных дат па Бялыніцкаму раёну на 2021 год

31 снежня выйшаў загад № 202 начальніка Магілёўскага
абласнога ўпраўлення лясной гаспадаркі А. Літвінава «Аб арганізацыі
новых лясніцтваў». Ім прадугледжвалася стварыць дадаткова на
тэрыторыі Бялыніцкага лясгаса Кастрычніцкае лясніцтва плошчай
7101 гектар з цэнтрам у вёсцы Карытніца, Кіраўскае — 8453 га з
цэнтрам у вёсцы Кіраўка, Сярмяжанскае — плошчай 6074 га з цэнтрам
у вёсцы Свяцілавічы, Шапялевіцкае — плошчай 9628 га з цэнтрам у в.
Шапялевічы. 11 лютага 1961 года загадам па Магілёўскаму
ўпраўленню лясной гаспадаркі Сярмяжанскае лясніцтва было
перайменавана ў Свяцілавіцкае.

З снежня 1970 года дырэктарам лясгаса прызначаны Несцярэнка
Яўген Дзмітрыевіч. За 1 квартал 1971 года Бялыніцкае лясніцтва
заняла 3 месца сярод лясніцтваў, за 2 квартал — 1 месца.

У 1975 годзе на тэрыторыі лясгаса было утворана Кручанскае
лясніцтва.

У 1976 годзе тэрыторыя лясгаса займала каля 80 тыс. га. Яна
дзялілася на 10 лясніцтваў, 3 з іх на тэрыторыі Круглянскага раёна.
Эканамічнае становішча Бялыніцкага лясгаса пагоршылася ў сувязі з
аварыяй на Чарнобыльскай АЭС. Найбольшая колькасць
радыяактыўных рэчаваў выпала: на 31-м квартале Асавецкага
лясніцтва, 12-м квартале Кіраўскага, 4-м квартале Бялыніцкага
лясніцтва. Радыяктыўнае забруджванне складала ад 5 да 10 кюры на
квадратны кіламетар.

З 15 верасня 1997 года дырэктарам лясгаса стаў Кузняцоў Рыгор
Іванавіч.

У 2002 годзе на сядзібе Цяхцінскага лясніцтва на двухгектарнай
плошчы заснаваны дэндрарый, у якім расце 70 відаў дрэў, у тым ліку і
экзатычныя.

5 чэрвеня 2013 года на пасаду дырэктара ДЛГУ «Бялыніцкі
лясгас» быў прызначаны Юрый Заблоцкі.

Літаратура

Борсяк, Ю. Большое дело начинается с маленького деревца : [о
лесовосстановлении, лесозаготовке, учете и подкормке диких
животных, организации охотничьего туризма в ГЛХУ "Белыничский
лесхоз"] / Юлия Борсяк // Магілёўскія ведамасці. — 2019. —
5 лютага. — С. 5 (регион: Белыничский район).