Вайна… Гэта жахлівае слова ўвайшло ў кожны дом 22 чэрвеня 1941 года.
Многія вішоўцы былі мабілізаваны ў Чырвоную Армію і змагаліся з нямецка-фашысцкімі захопнікамі на франтах, многія пайшлі ў партызанскія атрады і мужна грамілі ворага ў тыле. Мужчыны і жанчыны, старыя і малыя – усе, хто мог трымаць у руках зброю, уліліся ў рады народных мсціўцаў.  
Разгарнуўшы фронт у тыле ворага, займаючыся падрыўной і дыверсійнай дзейнасцю, партызанскія фарміраванні разам с часцямі Чырвонай Арміі крок за крокам набліжаліся да Вялікай Перамогі.

База дадзеных уключае біяграфіі і ўспаміны ветэранаў і ўдзельнікаў Вялікай Айчыннай вайны Вішоўскага краю, матэрыялы аб помніках і абелісках, узведзеных на тэрыторыі Вішоўскага сельскага Савета ў гонар удзельнікаў тых трагічных падзей. Слава ім і нізкі паклон за вялікую любоў да Радзімы, адданасць свайму народу, за гераічныя подзвігі.