Page 39 - Вішоўская сельская бібліятэка-філіял
P. 39
Супрацоўніцтва Вішоўскай бібліятэкі з сем’ямі заўсёды пераконвала
ў карысці чытання, прадстаўляла бібліятэку не толькі як цэнтр
нефармальных зносін, але і як кансультацыйны цэнтр па пытаннях
сямейнага выхавання. У сувязі з дадзенай спецыфікай работы бібліятэкі
вялікую актуальнасць мела распрацаваная ў 2015 годзе мэтавая
бібліятэчная праграма “Сямейны буквар пачынаецца з Мы”, разлічаная на
2015-2018 годы. Дзейнасць дадзенай праграмы была накіравана на
павышэнне прэстыжа і значнасц і агульнасямейных сувязей, далейшую
інфармацыйную падтрымку сем’яў, павышэнню цікавасці ў сям’і да кнігі і
чытання, а таксама да арганізацыі сямейнага вольнага часу ў рамках
сямейнага клуба “Гармонія”.
Чытачамі бібліятэкі ў 2015 годзе сталі 720 чалавек, 212 з якіх – дзеці.
З мэтай стварэння прывабнага бібліятэчнага асяроддзя, знаёмства
карыстальнікаў з навейшай інфармацыяй па актуальных тэмах
бібліятэкары шырока выкарыстоўваюць розныя формы выставачнай
дзейнасці. На працягу года ў бібліятэцы дзейнічалі выставы-інфармацыі,
выставы-рэкамендацыі, выставы-агляды: “Я гэты край Радзімаю заву”,
“Прававыя веды – усім”, “Компас у краіну здароўя”, “Вечная сімфонія
прыродзе”, “Книга самая-самая…”, “Навінкі беларускай літаратуры”, “І
память о войне нам книга оставляет” і іншыя.
39
