Ільінская гара
 |
Ільінская гара (Ільінскія могілкі, Цвінтар), пагорак у Бялынічах, размешчана на вуліцы Чырвонаармейская. Назва паходзіць ад Свята-Ільінскай царквы (у 1863 годзе налічвалася 286 прыхаджан). Драўляная лесвіца вядзе да вяршыні вялікага пагорка. Кожную вясну, 25 красавіка, сюды ідуць паломнікі, бо гэта – дзень святкавання іконы Божай Маці Бялыніцкай. Легенда сцвярджае, што менавіта тут, не раней за 1240 год, манахі Кіева-Пячорскай лаўры заснавалі паселішча, а значыць, і самі Бялынічы. Аб гэтым сведчыць і адзін з памятных знакаў, якія ўстаноўлены на гары. |
КРЫНІЦЫ ІНФАРМАЦЫІ:
Гецьман, Т. У бронзе і камені / Таццяна Гецьман // Зара над Друццю. – 2010. – 3 лістапада. – С. 5. Юрэвіч, Л. Блакітныя ночы над Друццю / Леанід Юрэвіч // Зара над Друццю. – 2011. – 3 жніўня. – С. 6. |
