Віктар Дюжэнак нарадзіўся ў 1936 годзе ў сялянскай сям’і.
Ён рана застаўся без бацькі, таму ўсё яго юнацтва прайшлао з маці.
Віктар вучыўся ў Галоўчынскай сярэдняй школе. Там ён моцна захапляўся літаратурнай дзейнасцю.

Пісаў вершы, якія друкаваліся не толькі ў школьным рукапісным часопісе “Залатым ранку”, які рэдагаваў выкладчык беларускай мовы і літаратуры В.Д.Гузаў, а і ў районнай, абласной і рэспубліканскіх газетах.
У 1953 годзе ў часопісе “Полымя” быў размешчаны яго верш “Аграном”.

Пэўнага творчага росту пачынаючы паэт дасягнуў у гады вучобы на філалагічным факультэце Магілёўскага дзяржаўнага педагагічнага інстытута (цяпер універсітэт).
Ён рэдагаваў газету філалагічнага факультэта, вучыўся і адначасова працаваў дыктарам абласного радыё.
Са жніўня 1959 года ён – літаратурны супрацоўнік Бялыніцкай раённай газеты, а затым рэдактар аддзела сельскай гаспадаркі абласнога радыё.
У 1961 годзе Віктара Васільевіча не стала. Гэта была трагічная смерць.