Стэфанова, неадноўленая пасля Вялікай Айчыннай вайны вёска ў Лебядзянскаўскім сельсавеце.
Спалена разам з 96 жыхарамі 22 снежня 1942 года фашысцкімі карнікамі. Удалося выратавацца ад расправы толькі Раману Гарбачэўскаму.
На месцы вёскі ўстаноўлены помнік (аўтары праекта Скрыпко і Дамарацкі).
Увекавечана ў мемарыяльным комплексе «Хатынь».

Сястра Xатыні.
З успамінаў Р. М. Гарбачэўскага
«Гэта было 22 снежня 1942 г. Стаяў ціxi марозны ранак. Я выйшаў на вуліцу. Над комінамі прыгожа віліся дымкі – гаспадыні рыхтавалі няхітры сняданак. Але на душы было неспакойна. Напярэдадні кapнікі з батальёна Дзірлевангера расправіліся з жыхаpaмi в. Сныткі – адтуль паўзлі ядавітыя космы дыму...
Неўзабаве пачуўся трэск матацыклаў, гул машын. Kapнікі ачапілі шчыльным кальцом нашу в. Стэфанова i дзейнічалі па такім жа звярыным сцэнарыі, як i ў Снытках. Яны ўрываліся ў хаты, стралялі ў мірных жыхароў, рабавалі маёмасць, падпальвалі будыніну. Жудасны канвеер смерці дзейнічаў безадмоўна.
І толькі мне аднаму з прабітымі лёгкімі ўдалося праз вакно выбрацца з палаючай хаты. А налічвалася ў вёсцы 97 жыхароў».

1. Стэфанова // Бялыніччына : краязнаўчы энцыклапедычны даведнік / Уклад. М. Карпечанка .− Мінск : Выдавец В. Хурсік, 2011. − С. 120.
2. Гарбачэўскі, Р. Сястра Хатыні : [успаміны] / Р. Гарбачэўскі // Памяць : гісторыка-дакументальная хроніка Бялыніцкага раёна / [Рэдакцыйная калегія : А.В. Агееў і іншыя; Мастак Э. Э. Жакевіч]. − Мінск : Вышэйшая школа, 2000 . − С. 206.