Вёска Мяльнік па пісьмовых крыніцах вядома з 19 ст. Паводле інвентару 1825 г. 4 дамы, 37 жыхароў. У архіўных дакументах 1857г. пазначана як вёска ў Магілёўскім павеце. У 1897 г. ў Бялыніцкай воласці, 6 двароў. У 1909 г. 19 двароў 44 жыхары. З лютага да кастрычніка 1918 г. акупіравана германскімі войскамі. У 1924 г. 23 двары, 149 жыхароў. У 1930 г. арганізаваны калгас «Авангард». У 1940 г. 35 двароў. У Вялікую Айчынную вайну з пачатку ліпеня 1941 г. да 29.06.1944 г. акупіравана нямецка-фашысцкімі захопнікамі. Гітлераўцы спалілі 15 двароў. 8 вяскоўцаў загінулі на фронце. У 1986 г. ў складзе саўгаса «Бялынічы» (цэнтр – г.п. Бялынічы), дзейнічаў завод мясакасцявой мукі. У 2002 г. 7 гаспадарак, 15 жыхароў.
Крывалінейная вуліца, што праходзіць уздоўж ракі, забудавана драўлянымі сялянскімі хатамі з прысядзібнымі ўчасткамі.

Мяльнік : [вёска ў Бялыніцкім раёне] // Гарады і вёскі Беларусі : Магілёўская вобласць : энцыклапедыя : у 8 т. / рэдкалегія: Г. П. Пашкоў [і інш.]. − Мінск, 2008. – Т. 5 : кн. 1. – С. – 381.