МІЖНАРОДНЫЯ ПЛЕНЭРЫ ПА ЖЫВАПІСУ
"ВІШОЎСКІЯ КРАЯВІДЫ"

29 лютага 2012 года споўнілася 140 год з дня нараджэння народнага мастака Беларусі, народнага мастака Расіі, правадзейнага члена Акадэміі мастацтваў СССР, ганаровага акадэміка навук Беларусі Вітольда Каятанавіча Бялыніцкага-Бірулі.

Першы міжнародны пленэр па жывапісу «Вішоўскія краявіды», прысвечаныя 140-годдю з дня нараджэння В.К.Бялыніцкага-Бірулі адбыўся у СВК “Калгас “Радзіма” пад кіраўніцтвам ганаровага грамадзяніна Бялыніцкага раёна, заслужанага работніка Міністэрства сельскай гаспадаркі Рэспублікі Беларусь Аляксандра Міхайлавіча Лапацентава.

Дзесяць вядомых і знакамітых майстроў пэндля на працягу дзесяці дзён на палотнах адлюстроўвалі мясцовыя пейзажы і партрэты вішоўцаў.

У ліпені 2014 года ў СВК “Калгас “Радзіма” адбыўся другі пленэр жывапісу “Вішоўскія краявіды” з удзелам 8 мастакоў Беларусі і суседніх краін.

Карціны жывапісцаў паклалі пачатак карціннай галерэі ў музеі СВК.