Нарадзілася ў 1947 годзе ў вёсцы Пешкі Бярозаўскага раёна Брэсцкай вобласці.
Пасля заканчэння Бярозаўскай сярэдняй школы працавала ў Быхаўскай райгазеце «Маяк Прыдняпроўя».
Скончыла Маскоўскі літаратурны інстытут. Працавала рэдактарам кінастудыі «Беларусьфільм», карэспандэнтам газеты «Літаратура і мастацтва», літкансультантам газеты «Чырвоная змена» рэдагавала часопісы «Алеся», «Маладосць».
У друку выступае з 1960 г.
У 1965 годзе сям’я паэтэсы пераехала на радзіму бацькі, у вёску Цяхцін.
Аўтар зборнікаў паэзіі «Рамонкавы бераг» (1974), «Слухаю сэрца» (1978), «Такое кароткае лета» (1981), «Адгукнуся голасам жалейкі» (1984), «Каханне» (1987), «Пад небам першага спаткання» (1990), «Люстэрка для самотнай» (1992) і інш.
Напісала аповесць «Кватарантка» (1980). Выйшлі кнігі казак і апавяданняў для дзяцей «Галенчыны «Я», альбо Планета Цікаўных Хлопчыкаў» (1990), «Дзве аповесці пра міжпланетнага пажарніка і казка пра жабяня Квыш-Квыш» (1996), цыкл фантастычных гісторый «З казак старога астранаўта» і інш., з’яўляецца аўтарам драматычнай паэмы «Барбара Радзівіл» (1992), п’ес «Цётка Малання з Асаўца» (1984); «Пятля часу» (1996).
Перакладае з рускай, украінскай і польскай моў.
Лаўрэат Літаратурнай прэміі СП БССР імя. А.Куляшова за кнігу лірыкі «Каханне», Дзяржаўнай прэміі Беларусі за зборнік паэзіі «Люстэрка для самотнай».

Баравікова Раіса Андрэеўна : [беларуская паэтэса] // Бялыніччына : краязнаўчы энцыклапедычны даведнік / аўтар праекта М. А. Карпечанка. − Мінск, 2011. − С. 19.