БЯЛЫНІЦКІ-БІРУЛЯ Вітольд Каятанавіч

Нарадзіўся 29 лютага 1872 года ў фальварку Крынкі каля Бялынічаў.
Народны мастак Беларусі (1944) і Расіі (1947), сапраўдны член Акадэміі мастацтваў, ганаровы акадэмік НАН Беларусі.
Скончыў Маскоўскае вучылішча жывапісу, скульптуры і дойлідства. З’яўляўся членам Таварыства перасоўных мастацкіх выставак, Таварыства імя А.Куінджы.
Адзін з арганізатараў Асацыяцыі мастакоў рэвалюцыйнай Расіі.
Развіваў традыцыі рускага рэалістычнага пейзажа.
Карціны Вітольда Бялыніцкага-Бірулі звярнулі на сябе ўвагу ўжо пачынаючы з традыцыйных штогадовых вучнёўскіх выстаў выхаванцаў маскоўскага вучылішча жывапісу, скульптуры і дойлідства.
Невыпадкова, што адну з яго вучнёўскіх работ – пейзаж «З аколіц Пяцігорска» – набыў для сваёй славутай ужо тады галерэі Траццякоў.
Першы значны поспех у творчай біяграфіі маладога мастака прыпадае на 1901 год, калі яго пейзаж «Вечныя снягі» адзначаецца залатым медалём Каўказскай выставы. На замежных мастацкіх выставах 1911 года карціна «У час цішыні» атрымоўвае залаты медаль у Мюнхане, а пейзаж «Перад вясной» – бронзавы ў Барселоне.
Нястомны працаўнік, натхнёны мастак, Вітольд Каятанавіч пакінуў у спадчыну больш за тысячу карцін і эцюдаў, а таксама вершы і апавяданні. Творы Вітольда Бялыніцкага-Бірулі знаходзяцца ў многіх музеях Беларусі, краін СНД.
Памёр Вітольд Каятанавіч 18 чэрвеня

БЯЛЫНІЦКІ-БІРУЛЯ Вітольд Каятанавіч : [народны мастак Беларусі] // Бялыніччына : краязнаўчы энцыклапедычны даведнік / аўтар праекта М. А. Карпечанка. − Мінск, 2011 − С. 26.